打風的101龍璽

今晚跟好朋友慶祝生日， 本來打算去龍皇的， 但前晚的經驗另我却步， 所以就改來高一級的龍璽。 一號風球加weekday 的晚上， 顧客不多。

幸運的編到窗口位， 外面一時申手不見5指， 一時清晰見到IFC, 真有詩意。
我們沒有食套餐， 因為想試更多款式的食物。先來3款前菜.
山楂紅梅鮮淮山， 酸酸甜甜的醬汁， 有點像草莓汁，好開胃的前菜。

冰燒三層肉， 微暖的真是有3層清楚見到，皮都脆的， 就是肥肉略嫌多了點， 但可接受的。

水晶金玫瑰， 其實是海蜇呢， 好精緻， 一粒粒看似玫瑰花， 所以名金玫瑰， 真的貼名， 亦很爽口美味。

炭燒黑豚肉， 驟眼看似漢寶扒， 頗深色頗厚，而且幾乾， 哈哈， 但吃起都軟淋淋的， 真的令我覺得似是食緊bbq 的豬扒。

富國魚露雞，好像普通焗雞似的，魚露味不夠， 食不出菜名來。

娘惹醬帆立貝，娘惹醬屬中辣度， 帆立貝很厚肉鮮甜， 還配上法包一片， 這片法包蘸上娘惹醬來食， 真的好食， 如果配上麵條， 相信亦會好食

蟹肉煨稻庭麵，因為已經有9成飽， 所以已經放慢食的速度， 當食這麵時， 麵可能放久了些， 濃湯把麵略浸淋了， 但味道仍然好， 蟹味非常濃， 而且蟹肉都很多。

蟹肉銀芽炒蛋白，每條蛋白都切到長方型， 不吃下去都不知道是蛋白， 鑊氣夠， 不錯呢。

金銀蛋莧菜, 已經忘了拍照, 可能是賣相沒有特別, 味道過鹹少少.

紫薯壽桃， 雖然已經很飽， 但都好期待這個飽， 因為喜歡這個紫薯餡， 沒有蓮蓉或豆蓉甜， 包皮香軟同滑， 所以都跟朋友分享了1個， 非常滿足。

白玉蘭 Shanghai Jade － 水準穩定

白玉蘭係每次去睇戲前食飯其中一選擇，貪佢夠近戲院，坐得舒適，上菜亦快，可能是時間比較早.　

每次跟這朋友食飯都要按住他不要點太多食物，每次到吃不完, 或是飽著肚到明早．今次冷盤點了手撕雞, 齋素方．燻雞ｄ肉幾滑，我食的都是dark meat，配菜有青瓜，　我反而喜歡食青瓜，因為好爽甜多汁，雞肉的燻味好吸引，配漿汁食更好. 齋素方好像沒有stuffing 的素鵝，內裡全是腐皮，味道帶點甜.

手撕燻雞

齋素方

一餐內又怎能沒有菜呢? 來這裡當然點萵苣，因為不是每間餐廳都有，萵苣炒得不會太淋，淡淡鹹味，剛好! 其實吃完這３樣餸都夠飽，但一早已點了鹹肉青菜炒飯, 哈哈幸好今次不是太大碟，而且跟以往的好食, 飯夠乾又炒得香，ｄ鹹肉味吃起來有些像鹹魚, 最後朋友都可以把他吃完，沒半點浪費．

楊柳青青萵苣 

鹹肉青菜炒飯

酒樓無蠔油? ~ 潮庭

好少來太古城, 估不到原來是這麼多人飲茶的, 已經放棄了美心皇宮, 因為要等20多張枱, 行多2 步來到同系的潮庭, 人比較少, 不用5分鐘便有位了.
坐得好密, 不知道是否午餐的座位編排是這樣嗎? 椅背撞到別人椅背, 郁都唔敢亂郁.
只得2口子, 不能點太多食物.
白灼魷魚生腸牛栢業, 這款點心越來越少地方有得食了, 哈哈全是膽固醇高的食物, 都不能常吃呢, 份量都ＯＫ, 魷魚有鬚有肉, 生腸亦爽, 不錯!

蒸鳳爪, 這個比較遜色, 啲醬汁好杰.

 蝦餃, 大小適中, 蝦新鮮, 但d 皮就有少少穿, ok 啦!

白灼芥蘭, 灼得都幾好, 啱啱少少淋, 跟這碟菜一起拿來是牒豉油, 咁我想要蠔油嘛, 就問侍應要一碟, 怎知她答我他們無蠔油, 我再一次問, "吓? 廚房無蠔油?" 佢真係答我無....聽到真係O 咀, 酒樓無蠔油? 真的有點不忿, 再問經理拿, 他便拿碟蠔油給我們, 之後那個侍應就避開我們的枱, 不經過我們.

甜品係馬拉糕, 不會太甜, 又不太濕, 剛好, 就是嫌太多, 因為已經好飽了, hahaa!

Chips x Ice Cream ~ Calbee

由未開到已開店大約1個月, 一直到想試這個即炸的Calbee 薯片, 但不喜歡排隊等的我, 唯有等等啦. 下雨天的星期日, 剛在附近食完lunch , 經過這裡, 見好像沒有人排隊, 便過去望望, 哦.....原來外面不用排, 但店內還是要排少少呢, 見不是多人, 就give it a try!

由買了票後都等了3... 4 分鐘, 點了避風塘味道加軟雪糕, 避風塘味有點像熱浪??比熱浪更spicy呢, 所以我吃不多, 食落有淡淡薯仔味, 如果薯片是起了摺, 食落那部份就不脆了, 有點可惜. 軟雪糕我就喜歡, 奶味比較重, 都幾滑. 如果不用排隊, 下次會再來試原味.

準備中 ~ Seafood Room

收到email 知道這新餐廳, 就來試試吧, 看看地址在Jaffe Road, 心想哪有一座比較新的building 在那街, 而且一層有8000呎面積呢, 再細看, 哦, 原來是在World Trade Center 旁的新大廈.

餐廳在26樓及roof top, 電梯門一開, 在旁放了一條大魚, 名副其實seafood room....

今天選了3-courses lunch, 他的menu 很可愛, 有魚圖案在背面, 同樣的我亦怕這些沒有laminated或cover 住的plain paper, 用多數次就會變軟及骯髒, 希望會經常更換呢.

 漂亮的茶壺及杯

頭盆是Prawn and Avocado Salad, 蝦肉幾鮮甜, 牛油果生熟程度剛好, 醬汁微酸, 作為前菜非常好, 就是份量頗多, 哈哈, 胃口細的女生可能吃完salad 及麵包就已經飽了.

麵包催了一次, 他話製作中, 要等3 分鐘, 但拿到來時全部都是冷冰冰的, 是冷氣太冷嗎?? 麵包沒有什麼特別, 冷了外皮更加覺得硬....所以最好吃會是herbs focaccia...

主菜之一 Sea Bass with crab bisque, spinach

對這道主菜有點失望，魚不是很新鮮， 就算是蟹的醬汁亦很淡，而且當魚還是微暖時已經有小小腥味。

主菜之二Spaghetti with clams, garlic sauce

這道蜆肉意粉還算可以， 但都不是我期望的好， 意粉夠al dente,  可惜蜆肉大多很瘦削。

甜品之一Chocolate & Orange Tart, pistachio nuts
一件濃濃朱古力味的撻，本來覺得太甜， 跟在旁的pistachio nut cream 一起吃就剛好。

甜品之二Baked Vanilla Cheese Cake, strawberries, 照字面睇, 我心想是焗的芝士蛋糕， 而我看來就不是我平常食的那種面是有點烤過後淺啡色的， 再吃下去， 真的像是只冷藏過的那種， 而且係有點watery 的， 就是個crust 都有點散， hmm ...就這問題找來server 問一下，我問他這是否baked cheese cake,  他答係， 但我話看似不像呢，他就說要問一下廚師， 然後出來應該是經理， 他答baked 的部位係bottom 嘅crust,  噢 .....原來係咁啊？！我的英文理解出了些錯 ...再過一陣， 另一經理來解釋， 原來呢個cheese cake 係用低溫焗， 焗了1 小時 ....係真係baked 架！！

值得讚係server 見到你用了枱上的濕紙巾就會跟你添加， 好貼心

無得輸嘅維港景色

**因為係pre-open,  restroom 還未裝修好， 只得handicapped restroom 可以用， 好唔方便。

**server training 不夠， 對menu 上的食物並不知道是什麼

大失所望 - 潮樂園

上次來這裡吃東西仍然是阿鴻, 所以已經是很久以前了. 大約6點半來到, 不是太多食客, 未須要等位. 環境跟以前一樣狹窄, 但衛生程度好像不是太好. 地上好像有層油似的.
目標清晰, 來都是為了鹵鵝, 點了一客三拼, 有鵝, 墨魚及大腸,

當然還有一件大豆腐在下面呢. 一看 ....鵝件無乜肉之餘亦好好....好肥, 真的只有丁點肉, 吃一口, 好咸, 鵝肉好咸, 豆腐更咸, omg, 真的吃不下呢.還點了一個牛腩蝦籽撈麵, 牛腩反而比鵝好吃, 但都是多肥膏, 沒有什麼蝦籽味. 還是快快吃完讓出位子給別人吧~~

Cafe Deco Pizzeria - Steak Promotion

收到email 有promotion,

就來試吓， $88 有250 gm , 份量足夠一般女生， 點了medium,  略過熟了，下次應該點medium rare,  西冷來講肉質不錯，伴碟的蔬菜就少了點。 
另外還點了Wild Mushroom Pizza

及pasta.  Pizza 熱辣辣真係好食， 一點都唔oily,  而且就是喜歡沒有肉， 所以食起來唔膩， mushroom 份量很多, 烤得剛好, mushroom 不會太孰。可能server 有跟廚房講我們是share 來吃的， 食物逐碟端出來，不會令食物容易變冷， 好細心。
跟住就是Spaghetti Vongole,

食前忘記了拍照, 相片中的蜆已吃了5,6隻, 所以這意粉真的有好多蜆，而且蜆肉非常鮮甜, 意粉有少許辣, 令更加惹味.

還點了2杯飲品, Berry Berry  

及Guava Smoothie, 

2杯都好好飲, 是用新鮮的 fruit 來blend 的.

後備之選- 御苑

每次來到葵芳工作， 午餐時試過數次想去潮庭或北京樓， 但都無一次去到， 每次等位枱數都不下20 枱， 唯有放棄。 跟住便會到樓上御苑， 通常都有位的， 今天亦不例外。 非常肚餓， 立刻點點心， 選了有蝦餃，燒賣，潮州粉粿，鳳爪， 炸雲吞， 煎腸粉， 蒸叉燒腸粉， 煎薄撐及山竹牛肉。說實話， 我覺得他的點心不差， 環境亦可以， 下次樓下的2 間美心系無位， 我亦會再來。